Þegar einstaklingur er greindur með MS vakna eðlilega margar spurningar. Mörgum þykir gott að fá stuðning og góð ráð um hvernig best sé að takast á við greininguna og daglegt líf með MS. 

jafningjar

Sjálfsagt er að spyrja lækni sinn og/eða hjúkrunarfræðing en MS-félagið býður ungu fólki og aðstandendum þeirra upp á viðtöl, ráðgjöf, námskeið og stuðning.

 

Viðtalshópur

Boðið er upp á viðtöl við fulltrúa úr viðtalshópi fræðslunefndar félagsins sem hafa áralanga reynslu og víðtæka þekkingu á MS-sjúkdómnum. Sjá hér.

 

Félagsráðgjafi

MS-félagið býður upp á ókeypis ráðgjöf félagsráðgjafa. Félagsráðgjafinn býður upp einstaklings-, hjóna/para- og fjölskylduviðtöl, og veitir m.a. upplýsingar um réttindamál og félagsleg úrræði. Sjá nánar hér. 

 

Sálfræðingur:

MS-félagið býður einstaklingum með MS og aðstandendum þeirra upp á sálfræðiþjónustu.  Sjá nánar hér.

 

Námskeið:

Í boði eru námskeið sérstaklega ætluð ungum nýgreindum en einnig eru sett upp námskeið fyrir aðstandendur. Sjá nánar hér.

 

Fræðslubæklingar

MS-félagið hefur gefið út 6 fræðslubæklinga um MS-sjúkdóminn:

 

Bæklinga félagsins má fá á rafrænu formi eða á pappír.

Slóð á bæklingana á rafrænu formi með nánari upplýsingum um innihald þeirra má finna hér.

Hægt er að nálgast bæklingana á skrifstofu félagsins að Sléttuvegi 5 eða fá þá senda með pósti með því að panta hér eða hringja í síma 568 8620 á milli kl. 10 og 15 alla virka daga. 

 

Frekari upplýsingar

Miklar og misgóðar upplýsingar er að finna á veraldarvefnum og nauðsynlegt að skilja á milli þess sem er áreiðanlegt og þess sem er það ekki. Vefsíða MS-félagsins inniheldur aðeins upplýsingar og efni frá traustum aðilum, og tenglasafn sem finna má á vefsíðunni vísar á vefsíður sem birta aðeins traustar upplýsingar um sjúkdóminn og annað sem tengist honum. Sjá hér.