Svefn og svefnráð - Dr. Erla Björnsdóttir sálfræðingur

Dr. Erla Björnsdóttir sálfræðingur og framkvæmdastjóri Betri Svefns verður með fræðslu um svefn og svefnráð í húsnæði félagsins að Sléttuvegi 5. Erindinu verður einnig streymt og kemur hlekkur á streymi síðar.  Þá verður hægt að horfa á upptöku af fyrirlestrinum í 2 vikur eftir erindið.

Húsið opnar kl. 17:00.

Fræðsla um svefn og svefnráð

Í þessum fyrirlestri er farið yfir mikilvægi svefns fyrir heilsu, líðan, árangur og frammistöðu með áherslu á samband svefns og verkja og langvinnra sjúkdóma.

Meðal annars er fjallað um eftirfarandi atriði:

1. Hversu mikið þurfum við að sofa og hvaða áhrif hefur of lítill svefn?
2. Uppbygging svefns, svefnstig og hlutverk þeirra.
3. Hvað hefur áhrif á svefn og svefngæði?
4. Hvernig virkar líkamsklukkan? Hvenær er hugræn færni eins og athygli og árvekni í hámarki og hvenær er vöðvastyrkur í hámarki? Hvernær er t.d. best að sinna hugrænt krefjandi verkefnum í vinnunni?
5. Áhrif svefns og svefnleysis á andlega og líkamlega heilsu.
6. Hvaða úrræði er til við svefnleysi og hvert leita ég?
7. Hvað getum við sjálf gert til að tryggja góðan nætursvefn? Góð svefnráð rædd.