ATVINNA MEÐ STUÐNINGI (AMS)

Atvinna með stuðningi á vegum Vinnumálastofnunar er árangursrík leið í atvinnumálum fyrir þá er þurfa aðstoð við að fá vinnu á almennum vinnumarkaði. Verkefnið felur í sér víðtækan stuðning við þá sem hafa skerta vinnugetu vegna andlegrar og/eða líkamlegrar fötlunar, aðstoð við að finna rétta starfið og veita stuðning á nýjum vinnustað.

Markhópur

Einstaklingar með skerta starfsgetu sem þurfa aðstoð við atvinnuleit, þjálfun í starf og stuðning við að halda vinnu á almennum vinnumarkaði.

Þjónustan

• Þátttaka og þjálfun á almennum vinnumarkaði.
• Aðstoð við öflun starfa með sömu réttindum og skyldum og almennt gerist.
• Færni umsækjanda er höfð að leiðarljósi en ekki fötlunin.
• Úrræði miða að þörfum einstaklings.
• Áhersla á góða samvinnu við atvinnurekendur.
• Aðstoð við að mynda tengsl á vinnustað.
• Stuðningur svo lengi sem þörf er á.
• Byggt upp stuðningsnet á vinnustað.
• Markvisst er dregið úr stuðningi, en vinnuveitandi og starfsmaður hafa þó áfram aðgang að ráðgjafa eftir þörfum.
• AMS er umsjónaraðili vinnusamnings öryrkja.

Frétt af http://www.vinnumalastofnun.is/atvinnuleitandi/atvinna-med-studningi/

BB