Breytingar á viðgerðarþjónustu hjálpartækja á höfuðborgarsvæðinu

17.05.2017

Sjúkratryggingar Íslands (SÍ) hafa gert samning við sex fyrirtæki á höfuðborgarsvæðinu um viðgerðarþjónustu vegna hjálpartækja.

Fyrirtækin eru:

Fastus ehf.
Icepharma hf.
Stoð ehf. stoðtækjasmíði
Títus ehf.
Öryggismiðstöð Íslands ehf.
Eirberg ehf. frá 1. september 2017

Hjálpartæki SÍ

Verkstæðin hafa fengið aðgang að Gagnagátt SÍ til að sjá réttindi hjálpartækjanotenda tengt tæki að viðgerðarþjónustu.

Sjá upplýsingar um verkstæði á landsbyggðinni hér neðar.

Kostir nýja samningsins

Fleiri þjónustuaðilar munu sinna viðgerðarþjónustu heldur en verið hefur.
Í stað opnunartíma Hjálpartækjamiðstöðvar SÍ, sem aðeins var opin 5 tíma á dag, hafa notendur hjálpartækja nú aðgengi að verkstæðisþjónustu í 8 - 9 tíma á dag.
Boðið er upp á neyðarþjónustu með öryggisbakvakt til miðnættis við ákveðnar alvarlegar aðstæður.
Heimakstur hjálpartækja.
Vaxandi hluti hjálpartækja kemur til afgreiðslu hjá heilbrigðisstarfsmönnum í umboði SÍ í stað Hjálpartækjamiðstöðvar SÍ.

Hjálpartæki SÍ

Þjónusta fyrirtækjanna

Ákveðnar viðgerðir, s.s. smærri viðgerðir eins og sprungið dekk á hjólastól, framkvæmdar á meðan beðið er.
Viðgerð gerð svo fljótt sem auðið er hverju sinni.
Almennar viðgerðir unnar innan tveggja vinnudaga ef varahlutir eru fyrirliggjandi hér á landi.
Varahlutir afgreiddir til þeirra notenda hjálpartækja sem það vilja og geta skipt um sjálfir.
Hægt að fá lánstæki (göngugrindur eða handknúna staðlaða hjólastóla) hjá verkstæði þjónustufyrirtækis á meðan viðgerð stendur ef notandi á ekki annan hjólastól/aðra göngugrind.
Ef um stærri tæki er að ræða sem notandi getur ekki komið sjálfur með í hefðbundnum fólksbíl er hægt að óska eftir að verkstæði sæki og sendi tæki í og úr viðgerð.
Ef um er að ræða veggföst hjálpartæki eða hjálpartæki sem ekki er hentugt að flytja af heimili notenda s.s. sjúkrarúm, kemur viðgerðamaður heim til viðkomandi.

Mat á hjálpartæki og ákvörðun um nýtt hjálpartæki

Þegar til álita kemur að gera ekki við tæki, það sé of gamalt og þörf sé á endurnýjun eða breyta þurfi tæki, þá skal verkstæði hafa samband við Hjálpartækjamiðstöð SÍ sem ákveður hvort endurnýja megi hjálpartæki eða gera breytingar á því.

Kynning SÍ á samningunum og verkefninu, sjá hér.

Nánari upplýsingar á vef SÍ, sjá hér.