FYRIRLESTUR 13. MARS UM FRAMKOMU VIÐ FATLAÐA
08.03.2014

Anna Rebecka mun halda fyrirlestur um framkomu fólks við fatlaða einstaklinga fimmtudaginn 13. mars kl. 19:30 í félagsheimilinu Harðarbóli í Mosfellsbæ. Anna Rebecka féll af hestbaki fyrir hálfu öðru ári og lamaðist en hefur náð undraverðum bata. Fyrirlestur hennar fjallar um hvernig hún upplifði að framkoma fólks í hennar garð breyttist við það að hún var allt í einu komin í hjólastól og hvernig fólk kemur á mismunandi hátt fram við fatlaða og ófatlaða. 

 

Anna Rebecka hefur verið virk í Hestamannafélaginu Herði í Mosfellsbæ en MS-félagið heldur reiðnámskeið fyrir félagsmenn sína í samstarfi við Fræðslunefnd fatlaðra hjá Herði.

 

Við hvetum alla til að mæta og hlusta á frábæra unga konu segja frá reynslu sinni og upplifun. Á staðnum verður til sölu salat og brauð á 500 kr.

 

Félagsheimili Harðar, Harðarból, er staðsett við keppnisvelli Harðar við Varmárbakka, sjá staðsetningu hér

Harðarból

 

 

BB

 

Til baka