JÓLABALL n.k. LAUGARDAG, 13. DESEMBER

Jólaball MS-félagsins verður haldið laugardaginn 13. desember kl. 13-15 í safnaðarheimili Grensáskirkju.

Jólasveinn mun leiða söng og dans í kringum jólatréð og gefa börnunum glaðning. Veitingar við allra hæfi verða í boði félagsins.

Tilkynna þarf um fjölda barna og fullorðinna sem mæta fyrir miðvikudaginn 10. desember. Bæði er það hægt með skilaboðum á Fésbókinni ("comment"/athugasemdir undir þessari frétt) eða með því að hringja í síma 568 8620 frá kl. 10 til 15.

Við hvetjum unga sem aldna til að mæta og eiga góða stund saman á aðventunni. Aðgangur er ókeypis og opnar húsið kl. 12:30.