SÍMASÖFNUN TIL STYRKTAR MS-FÉLAGI ÍSLANDS

MS-félagið var stofnað árið 1968 og er því 45 ára í ár. Í tilefni afmælisins hefur félagið hug á að gera fræðslumynd um MS.

Algengt er að fólk greinist með sjúkdóminn fyrir 35 ára aldur og skiptir því fræðsla miklu máli. Félagið stendur fyrir útgáfu fræðsluefnis og heldur námskeið sérsniðin að MS-sjúklingum og aðstandendum.

Í húsi MS-félagsins er rekin endurhæfingarstöð, Setrið, þar sem MS-sjúklingar fá faglega endurhæfingu og aðstoð við daglegar athafnir.

Það er okkar gæfa að landsmenn hafa í gegnum tíðina stutt vel við félagið og væntum við þess að landsmenn taki vel á móti sölufólki.