SKOÐANAKÖNNUN Á VEGUM ÖBÍ

ÖBÍ hefur óskað eftir að koma eftirfarandi á framfæri:

 

Ágæti félagsmaður.

 

MS-félagið sem þú ert félagsmaður í, er aðildarfélag að Öryrkjabandalagi Íslands.  Á síðasta aðalfundi ÖBÍ var ákveðið að hefja endurskoðun á skipulagi, uppbyggingu og aðild félagasamtaka að bandalaginu.  Hluti af vinnunni við þá endurskoðun er að fá álit félagsmanna aðildarsamtakanna á starfsemi ÖBÍ, þar sem uppbygging og skipulag þarf ætíð að taka mið af og styðja við skilgreinda starfsemi.

 

Því óskum við nú eftir að þú takir þátt í könnun sem sett hefur verið upp í þessum tilgangi, en það tekur innan við fimm mínútur að svara spurningunum.  Hægt  er að taka þátt í könnuninni með því að ýta á þennan tengil:https://www.surveymonkey.com/s/Q5BNNSJ.  Könnunin verður opin fyrir þátttöku til og með 25. ágúst nk.

 

Með þakklæti fyrir þátttökuna,

 

Fríða Bragadóttir

Formaður nefndar ÖBÍ um endurskoðun á skipulagi og uppbyggingu ÖBÍ

 

 

****************

 

 

Fyrst er spurt um kyn, búsetu, menntun, starf og tekjur sem eru grunnupplýsingar til greiningar. Síðan er spurt um tegund félags en MS-félagið er félag sem fellur undir „Félagið sem sendi þér þessa könnun og þú ert félagi í er  félag fatlaðra einstaklinga skv. skilgreiningu laga nr. 59 frá 1992“ (efsti möguleikinn).

Síðan koma þrjár spurningar sem eru megininntak könnunarinnar og er spurt um mikilvægi (mjög mikilvægt, minna mikilvægt, hlutlaus, lítið mikilvægt og ekki mikilvægt).

 

Fyrst er spurt um hversu mikla áherslu þér finnist að ÖBÍ eigi að leggja á eftirfarandi starfsemi:

·         Fjárhagsleg kjör fatlaðs fólks, þ.e. framfærsla og kostnaður við heilbrigðisþjónustu

·         Jafna möguleika fatlaðs fólks á við möguleika annarra til náms

·         Jafna möguleika fatlaðs fólks á við möguleika annarra til atvinnu

·         Jafna möguleika fatlaðs fólks á við möguleika annarra til þátttöku í samfélaginu

·         Rannsóknir um stöðu og málefni fatlaðs fólks

·         Rekstur upplýsinga- og ráðgjafamiðstöðvar fyrir fatlað fólk og aðildarfélög ÖBÍ

·         Rekstur búsetuúrræða fyrir fatlað fólk

·         Rekstur verndaðra vinnustaða

·         Rekstur menntunarúrræða fyrir fatlað fólk

 

Síðan er þér gefin möguleiki á því að koma með eigin hugmyndir um hvaða aðra starfsemi en fram kemur í fyrri spurningu, ÖBÍ geti lagt áherslu á.

 

Að lokum er spurt hvort þér finnist ÖBÍ eigi að vera:

·         eingöngu í almennri hagsmunagæslu og -baráttu

·         eingöngu í því að veita einstaklingum þjónustu

·         bæði í almennri hagsmunagæslu/-baráttu og að veita einstaklingum þjónustu

 

 

Bergþóra Bergsdóttir