SKRÁNING HAFIN Á NÁMSKEIÐ: Jafnvægi, styrktarþjálfun, færni og úthald. Fræðsla og slökun.

Eins og mörg undanfarin ár býður félagið upp á líkamsræktarnámskeið í samstarfi við Reykjalund. Boðið er upp á tíma einu sinni í viku fram að áramótum. Hámarksfjöldi þátttakenda er 15 og er því um að gera að drífa sig að skrá sig. 

 

 

 

Leiðbeinendur:  Sif Gylfadóttir, MSc og Andri Sigurgeirsson, MSc, sérfræðingar í taugasjúkraþjálfun frá tauga- og hæfingarsviði Reykjalundar.

Leiðbeinendur skipta með sér námskeiðstímum og er einn leiðbeinandi með hópinn hverju sinni.

 

Uppsetning hvers námskeiðstíma: Byrjað er á almennri upphitun þar sem leikir og hugfimi er oft fléttuð inn í. Þá tekur við þjálfun á jafnvægi, vöðvakrafti, úthaldi, færni og liðleika. Æfingar eru stundum í formi stöðvaþjálfunar og/eða keppni í leikjum. Teygjur og slökun eru í lok flestra tíma. Hver og einn einstaklingur fær tilsögn og aðstoð eins og mögulegt er í hópnum. Fræðslu um jafnvægi hvíldar og hreyfingar og hreyfivirkni í daglegu lífi er fléttað inn í hvern tíma og tækifæri sköpuð til umræðna.

 

Hvar og hvenær: Námskeiðið fer fram í MS-húsinu að Sléttuveg 5.

Tímarnir verða 1x í viku, á þriðjudögum klukkan 16:30-17:30 í 16 vikur fram að áramótum. Fyrsti tíminn verður þriðjudaginn 1. september.

 

Verð: 15.000 kr. önnin.

 

Uppbygging námskeiðs:  Miðað verður við að ögra getu hvers einstaklings.  Einnig fer fram kennsla í heimaæfingum og hvatning á ástundun æfinga.

 

Þátttakendur: Einstaklingar með MS-greiningu sem fara  um flestar leiðir gangandi með eða án gönguhjálpartækja en sækja ekki MS-Setrið.

 

Námskeiðsdagar á haustönn 2015:

            September: 1, 8, 15, 22, 29.

            Október: 6, 13, 20, 27.

            Nóvember: 3, 10, 17, 24.

            Desember: 1, 8, 15.

 

SKRÁNING Í SÍMA 568 8620 (kl. 10-15) EÐA MEÐ TÖLVUPÓSTI Á msfelag@msfelag.is TIL FÖSTUDAGSINS 28. ÁGÚST