Styrkur frá Reykjavíkurborg

Í gær veitti velferðarráð Reykjavikurborgar styrki til 35 verkefna, þ.á m. til MS-félagsins. Fékk félagið 1.200.000 kr. til að fjármagna þjónustusamning vegna ráðgjafaþjónustu félagsráðgjafa sem veitir einstaklingum með MS-sjúkdóminn og fjölskyldum þeirra stuðning og ráðgjöf til að takast á við breyttar félagslegar aðstæður sem upp geta komið í kjölfar veikinda. 

Árlega setur velferðarráð Reykjavikurborgar sér ákveðnar áherslur vegna úthlutunar styrkja. Að þessu sinni var sérstök áhersla lögð á verkefni sem bæta líðan og hag barna- og ungmenna og fjölskyldna þeirra.  Einnig lagði velferðarráð áherslu á verkefni sem stuðla að geðheilbrigði, virkni og hvers konar atvinnu- og samfélagsþátttöku.

Við afhendingu styrkjanna sagði formaður velferðarráðs, Heiða Björg Hilmisdóttir, að metnaður einkenndi umsóknir og vilja umsækjenda til að stuðla að góðri þjónustu til umbjóðenda sinna sem og að stuðla að bættri líðan og högum borgarbúa almennt.

Ólína Ólafsdóttir, stjórnarkona í MS-félaginu, tók á móti styrknum fyrir hönd félagsins. 

Sjá frétt á vefsíðu Reykjavíkurborgar hér

BB