VILTU HAFA ÁHRIF? KÖNNUN UM ATVINNU, UMÖNNUN, MEÐFERÐ, STUÐNING OG DAGLEGT LÍF. 140 þátttakendur vantar.

Í maí sl. kynntum við könnun EMSP (samtök MS-félaga í Evrópu), sem er Á ÍSLENSKU, um atvinnuþátttöku, umönnun, meðferð, stuðning og daglegt líf.

61 Íslendingur hefur nú þegar svarað könnuninni sem er ágætis svarhlutfall sé litið til þess að um 450 eru með MS hér á landi. EMSP biðlar hins vegar aftur til okkar og spyr hvort mögulegt sé að 140 einstaklingar til viðbótar svari könnununni.

Með þátttöku hjálpar þú til við að auka skilning ráðamanna á stöðu fólks með MS í Evrópu og finna lausnir á þeim vandamálum sem blasa við.

Eigum við ekki að gera okkar besta J

 

Það tekur um 10 mínútur að svara könnuninni og er lokafrestur til þátttöku 31. júlí n.k.

 

Slóð inn á könnunina er hér.

 

Í felliglugga í efra hægra horni er hægt að velja „Íslenska“.

Forsíðan er samt sem áður á ensku en með því að smella á „Next“ ertu kominn inn á könnunina á íslensku.

 

Líklegast hefur verið notuð þýðingarvél við að þýða úr ensku á íslensku en það er um að gera að virða viljann fyrir verkið.

Annað hvort er valið úr felliglugga, skrifað beint í reiti eða valið úr möguleikum

 

Nokkur orð:

Versnun endurbati (MS í köstum) = Relapsing-remitting

Stöðug versnun = Primary progressive

Versnun í þrepum = Progressive relapsins

Seinni síversnun = Secondary progressive

EDDS er fötlunarskali fyrir fólk með MS, þ.e. er mælikvarði á fötlun einstaklings. Sjá flokkunina á ensku hér.

 

 

EF ÞÚ HEFUR EKKI ÞEGAR SVARAÐ KÖNNUNINNI HVETJUM VIÐ ÞIG TIL AÐ TAKA ÞÁTT.

SÝNUM AÐ VIÐ VILJUM HAFA ÁHRIF J