Fréttasafn

MS-félag Íslands óskar félagsmönnum, vinum og velunnurum gleðilegra jóla og farsældar á nýju ári, með bestu þökkum fyrir stuðning og velvilja á árinu sem er að líða. Skrifstofa MS-félagsins að Sléttuvegi 5 í Reykjavík verður lokuð yfir hátíðarnar, eða frá og með 23. desember til 3. janúar (báðir dagar meðtaldir).

Jólastyrkveiting Góða hirðisins fór fram þann 19. desember í versluninni, Fellsmúla 28 og hlaut MS-félag Íslands styrk að fjárhæð kr. 750.000, en samtals var 18,5 milljónum úthlutað til 22 verkefna.

ELKO styrkir góðgerðarsamtök í aðdraganda jólanna. MS-félagið fékk afhenta afar rausnarlega tækjagjöf í morgun frá fyrirtækinu.

Helgi Seljan, fyrrverandi alþingismaður og heiðursfélagi MS-félagsins, er látinn, 85 ára að aldri.

Kvenfélag Garðabæjar veitti MS-félaginu rausnarlegan styrk á árlegum jólafundi sínum þann 3. desember s.l.

Dregið hefur verið úr innsendum réttum lausnum krossgátu í 2. tbl. MS-blaðsins 2019. Lausnarorðið er "JAFNVÆGI"

Sigurður Sölvi Svavarsson, sjúkraþjálfari hjá Styrk, hefur sett upp dagatal með fjölbreyttum æfingum fyrir hvern dag mánaðarins.

Árlegt jólaball MS-félagsins verður haldið laugardaginn 7. desember n.k. kl. 14-16 í Safnaðarheimili Grensáskirkju. Aðgangur ókeypis en skráning nauðsynleg.

Í MS-blaðinu sem sent var til félagsmanna í haust er að finna verðlaunakrossgátu. Í krossgátunni er að finna lausnarorð – málshátt – sem verðlaun verða veitt fyrir lausn á. Verðlaunin eru ekki af verri endanum – dagatal MS-félagsins fyrir árið 2020 með myndum Eddu Heiðrúnar Backman.

Senn líður að jólum. Við ætlum að hafa kósý jólastemmingu fyrir félagsmenn í skammdeginu miðvikudaginn 27. nóvember kl. 17-19. Hægt verður að búa til einfaldan grenikrans (efniskostnaður kr. 3000/skraut ekki innifalið), hlusta á jólalög eða bara spjalla saman og gæða sér á heitu súkkulaði og smákökum.